پاکستان کے دورے پر آئے جنوبی افریقہ کرکٹ ٹیم کے ہیڈ کوچ مارک باؤچر بھی پاکستان میں سیکیورٹی انتظامات کے معترف ہو گئے جن کا کہنا ہے کہ یہاں ہم نے خود کو جنوبی افریقہ سے بھی زیادہ محفوظ سمجھا۔
میڈیا سے گفتگو کرتے ہوئے مارک باؤچر کا کہنا تھا کہ دورہ پاکستان سے بہت کچھ سیکھنے کا موقع ملا اور یہاں سب کچھ ایک خواب کی مانند لگا بلکہ اگر میں سچ کہوں تو ہم نے یہاں خود کو جنوبی افریقہ سے بھی زیادہ محفوظ سمجھا۔ انہوں نے کہا کہ دورہ پاکستان شاندار تھا اور ہم نے بہت کچھ سیکھا، یہاں ریورس سوئنگ اور گیند کا سپن ہونا متوقع تھا، محمد رضوان نے دونوں فارمیٹ میں بہتر کھیل پیش کیا۔
