سسی پلیجو کو سینیٹ قائمہ کمیٹی برائے پارلیمانی امور کا بلامقابلہ چیئرپرسن منتخب کرلیا گیا۔سینیٹر سسی پلیجو کا نام سینیٹر فاروق ایچ نائیک نے تجویز کیا۔کمیٹی کے ارکان نے نومنتخب چیئرپرسن کو مبارکباد دی۔سسی پلیجو کا کہنا تھاکہ ان کی کوشش ہوگی کہ جو ذمہ داری ان کو سونپی گئی وہ اسے احسن طریقے سے نبھا سکیں۔سینیٹر ہدایت اللہ نے کہا کہ ملک کے مفاد اور پارلیمنٹ کی مضبوطی کے لئے کمیٹی کی چیئرپرسن کو ہر ممکن تعاون فراہم کریں گے۔سینیٹر یوسف بادینی نے کہا کہ سسی پلیجو تجربہ کار اور محنتی ہیں، امید ہے کمیٹی کی کارروائی احسن طریقے سے چلائیں گی۔
