فواد خان کے لئے فلم فیئر کا اعزاز

0
1072

پاکستانی سپراسٹار فواد خان اور خوبرو اداکارہ مہوش حیات کو فلم وفیشن میگزین فلم فیئر کے مشرق وسطیٰ کے ایڈیشن کے دوبارہ اجراء کے موقع پر اعزاز سے نوازا گیا۔

دبئی کے بولی وڈ پارکس میں سجی تقریب میں پاکستان و بھارت کے اسٹارز، فیشن ڈیزائنرز و میڈیا پرسنالٹیز نے شرکت کی۔

تقریب میں جہاں بولی وڈ شخصیات کو خصوصی اعزازات سے نوازا گیا، وہیں پاکستانی اداکار فواد خان اور مہوش حیات کو بھی ’آئیکون‘ ایوارڈز سے نوازا گیا۔

تقریب میں فواد خان کو ’سینماٹک آئیکون‘ جب کہ مہوش حیات کو ’پاکستانی آئیکون‘ کے خصوصی اعزاز سے نوازا گیا۔

تقریب میں پاکستانی اداکار فواد خان چھائے رہے، ان کے ساتھ بھارتی فلم ساز کرن جوہر سمیت دیگر بولی وڈ شخصیات ساتھ نظر آئیں۔

LEAVE A REPLY

Please enter your comment!
Please enter your name here