ریلوے کے وزیر شیخ رشید احمد نے کہا ہے کہ پاکستان ریلوے کوروناوائرس کی روک تھام کی کوششوں کے طور پر آج چمن بلوچستان کیلئے دو میڈیکل وینز سمیت تیس بوگیوں پر مشتمل خصوصی قرنطینہ ٹرین چلائے گا۔
لاہور میں نیوز کانفرنس سے خطاب کرتے ہوئے انہوں نے کہا کہ احساس ایمرجنسی کیش پروگرام سے ریلوے کے ہر قلی کو بارہ ہزار روپے دینے کا فیصلہ کیا گیا ہے تاکہ ان پر مالی بوجھ کم کیا جاسکے۔انہوں نے کہا کہ پیکج سے دس ہزار قلی مستفید ہونگے۔شیخ رشید احمد نے کوروناوائرس کی وباء کے بارے میں عوام کوچوکس رکھنے اور متعلقہ معلومات کی فراہمی میں ذرائع ابلاغ کے مثبت اور موثر کردار کو سراہا