مسلم طلبہ محاذ پاکستان کے زیر اہتمام انڈیا کےیوم سیاہ کے موقع پر نیشنل پریس کلب اسلام آباد کے سامنے انڈیا مردہ باد ریلی نکالی گئی ،عبید عباسی، شہیر سیالوی،حذیفہ سمیع الحق، عزام چوہدری،ملک محمد علی، سردار مظہر اور دیگر قائدین نے ریلی کی قیادت کی۔مقررین کا کہنا تھا کہ بھارت کے یوم آزادی کو یوم سیاہ کے طور پر منایا جارہا ہے کیونکہ مقبوضہ کشمیر میں کشمیری عوام پر مظالم کی نئی تاریخ رقم کی جا رہی ہے اور بھارت میں بی جے پی کی حکومت ہندوتوا کے نظریے پر عمل کرتے ہوئے مسلمانوں سمیت اقلیتوں پر مظالم ڈھارہی ہے۔ مقررین نے مطالبہ کیاکہ اقوام متحدہ ،او آئی سی اور دیگر عالمی ادارے اس صورتحال کا نوٹس لے کر بھارتی مظالم رکوائیں۔ریلی کے شرکاء نے متحدہ عرب امارات کی جانب سے اسرائیل سے کئے گئے معاہدے کی بھی مذمت کی۔ریلی میں مختلف سیاسی جماعتوں اور طلبہ تنظیموں کے رہنماؤں نے بھی شرکت کی۔
