چین: اب ٹرین چلے گی 600 کلومیٹر فی گھنٹہ، تجربہ کامیاب

0
754

چین کے شہر شنگھائی میں تیار کردہ مگلیو ٹرین کا کامیاب آزمائشی تجربہ کر لیا گیا، یہ ٹرین 600 کلومیٹر فی گھنٹہ کی رفتار سے چلنے کی صلاحیت رکھتی ہے۔میڈیا رپورٹ کے مطابق چین کے ماہر انجینئرز کی تیار کردہ یہ ٹرین مگلیو ٹرانسپورٹ سسٹم میں اہم سنگ میل ثابت ہوگی، کام منصوبے کے مطابق آگے بڑھ رہا ہے۔ توقع ظاہر کی جا رہی ہے کہ سال 2020 کے اختتام تک ٹرین کا کمرشل استعما ل شروع ہو گا۔

مقناطیسی ٹیکنالوجی کی حامل یہ ٹرین ٹریک پر تیرتے ہوئے سفر کرتی ہے جس کے سبب عام ٹرین جیسے جھٹکوں کی بجائے مسافر انتہائی آرام دہ سفر سے لطف اندوز ہوتے ہیں، مسافروں کا کہنا تھا کہ اس ٹرین میں ایسے محسوس ہوتا ہے جیسے ٹرین ہوا میں معلق ہو اور ہم ہوائی جہاز میں سفر کر رہے تھے۔

جاپان نے بھی 2 سال قبل دنیا کی تیز ترین مگلیو ٹرین کا تجربہ کیا تھا، ماہرین کا کہنا ہے کہ ریل کے سفر میں یہ ایک انقلاب ہو گا اور مسافر محفوظ طریقے سے انتہائی تیز رفتاری سے اپنی منزل پر پہنچ جائیں گے۔

LEAVE A REPLY

Please enter your comment!
Please enter your name here